۲۷۶یمه خبره/ کاسب
آیا تاسو پرته له حضرت محمد (صلی الله علیه و آله و سلم) څخه د خدای بل حبیب پېژنئ؟ کاسب دی، کاسب! دا زۀ نۀ وایم، بلکې د خدای حبیب ویلي (صلی الله علیه و آله و سلم) نو کسب مه پرېږدئ.
۲۷۷یمه خبره/ د نېکۍ بدل
د نېکۍ بدل حتمي شته؛ کۀ دې پۀ دنیا کې و نۀ لید نو پۀ آخرت کې یې انتظار کوه.
۲۷۸یمه خبره/ چاپلوسي، مینه او احترام
د چاپلوسۍ، مینې او احترام ترمنځ توپیر یوازې ځيرک خلک کولی شي، ځکه چې هلته فقط یکي یوه باریکي ده (؟)
۲۷۹یمه خبره/ نېکي
نېکي یوازې دا نۀ ده چې فقط د نېکۍ پۀ بدل کې ترسره شي، ځکه چې داسې نېکۍ خو حیوانات هم کوي! بلکې واقعي نېکي هغه ده چې د بدۍ پۀ مقابل کې وشي! نو آیا تهٔ داسې نیکي کولی شې؟.
۲۸۰یمه خبره/ پر یتیم ګذار
پر یتیم ګذار عیناً د خدای پر حریم ګذار دی! ځکه خو تاسو هغه بدبخت پوه کړئ چې پر یتیمانو ګذارونه کوي.