د کلسیم کمښت؛ نښې، لاملونه او د مخنیوي لارې

کلسیم د انسان د بدن یو له مهمو منرالونو څخه دی. ډېری خلک فکر کوي چې کلسیم یوازې د هډوکو او غاښونو د پیاوړتیا لپاره اړین دی، خو حقیقت دا دی چې زړه، اعصاب او عضلات هم د خپل عادي فعالیت لپاره کلسیم ته اړتیا لري.

د کلسیم د کمښت نښې څه دي؟

کله چې په وینه کې د کلسیم کچه راټیټه شي، ځینې خلک لاندې نښې تجربه کوي:

. د لاسونو او پښو ستنې ستنې کېدل.
. د شونډو شاوخوا بې‌حسي.
. د عضلاتو درد او شخوالی.
. د عضلاتو ناڅاپي انقباضات او رپېدل.
. په شدیدو حالاتو کې تشنج او د زړه د ضربان ګډوډي.

د کلسیم د کمښت مهم لاملونه:
د وینې د کلسیم د کمښت څو مهم لاملونه شتون لري، چې عبارت دي له:

۱- د ویټامین D کمښت، چې له کولمو څخه د کلسیم جذب کموي.

۲- د پښتورګو ځینې ناروغۍ.

۳- د پاراتایرایډ غدو د فعالیت کمښت.

۴- د مګنیزیم شدید کمښت.

ولې د کلسیم لرونکو خوړو له استعمال سره سره کلسیم کمېږي؟
یوه مهمه خبره دا ده چې کله ناکله انسان کافي کلسیم لرونکي خواړه خوري، خو بیا هم په وینه کې د کلسیم کچه ټیټېږي.

لامل یې دا کېدای شي چې ستونزه یوازې د کلسیم په خوراک کې نه وي، بلکې د ویټامینونو، هورمونونو، پښتورګو یا د بدن د کلسیم د تنظیم په سیستم کې ستونزه موجوده وي.

د کلسیم د کمښت درملنه:

د درملنې لپاره باید لومړی د کلسیم د کمښت اصلي لامل معلوم شي. د وینې د معایناتو او د ډاکټر د ارزونې له مخې مناسبه درملنه ټاکل کېږي.

د پاراتایرایډ غدو د اوږدمهاله کم فعالیت په ځینو ناروغانو کې د هورمون بدیل درملنه هم شته، خو دا درمل د کلسیم د هر ډول کمښت لپاره مناسب نه دي.

کوم خواړه کلسیم لري؟

د کلسیم د ترلاسه کولو لپاره لاندې خواړه ګټور دي:

. شیدې او مستې
. پنیر
. ځینې شنې پاڼې لرونکې سبزۍ
. بادام
.کلسیم لرونکي نور خواړه

البته، که په وینه کې د کلسیم کچه کمه وي، یوازې د کلسیم لرونکو خوړو زیاتول تل د ستونزې د حل لپاره کافي نه وي.

دعوت نیوز در شبکه های اجتماعی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

📛 تاسو د کاپي کول اجازه نه لری!
محتوای این وب‌سایت محفوظ است. لطفاً بدون اجازه، آن را کپی نکنید.