۱. د لمر تیزې وړانګو (UV وړانګې)
د لمر تیزې وړانګې د پوستکي نښلونکی مواد کمزوري کوي او د کرښو، ګونځو او د زر زړېدو لامل ګرځي.
۲. د خوب کموالی
بسیا خوب د بدن د رغونې لپاره اړین دی. چې خوب کم شي، هورمونونه ګډوډېږي او د حجرو د زر زړېدو لړۍ چټکېږي.
۳. ناسم او غوړین خوراک
په ځانګړي ډول:
- بوره
- غوړین خوراک
- پروسس شوي خوراک
دا د بدن دنننی التهاب ( پړسوب ) زیاتوي او د حجرو زړېدل تېز وي.
۴. سګریټ څکول
سګریټ د وینې رګونه تنګوي، د پوستکي غذا کموي او د حجرو تخریب چټکوي.
۵. روحي فشار (استرس)
اوږدمهاله روحي فشار د کورتیزول هورمون زیاتوي، او دا د بدن د حجرو د زر زړېدو یو مهم عامل دی.
۶. د بدني خوځښت کموالی
کله چې حرکت کم وي، د وینې بهیر کمېږي، د بدن دفاعي ځواک کمزوری کېږي، او د بدن دنننی پړسوب (التهاب) ډېریږي.
۷. د اوبو لږ څښل
د بدن او پوستکي وچوالی د زر زړېدو بهیر ګړندی کوي.
۸. د ټيټې کچې ارزښت لرونکي خوراکو ډېر استعمال
په تېلو کې پخې شوې، یا پروسس شوي خوراکونه د بدن د دننني زیان رسوونکي فشار (oxidative stress) سبب کېږي.
۹. ارثي لاملونه
ځینې خلک په طبیعت کې زر زړېږي، ځکه د هغوی جینونه داسې جوړښت لري.
۱۰. د ناروغیو نه کنټرول
لکه:
- د پښتورګو ستونزې
- د ځیګر ناروغۍ
- د وینې د شکر لوړوالی
- د تایرویئډ غدې ګډوډي
دا ټول د زر زړېدو بهیر چټکوي.
څنګه د انسان د زړېدو بهیر ورو کولی شو؟
۱. د لمر له تیزو وړانګو څخه ځان ساتنه
- د لمر د تیزو وړانګو څخه ځان ساتل
- د لمر ضد کریم کارول
- د خولۍ یا عینکو کارول
۲. نورمال او منظم خوب
- په شپه کې ۷–۸ ساعته
- د خوب د مهال ثبات
- د موبایل د رڼا نه له خوبه مخکې ځان ساتنه
۳. سالم او طبیعي خواړه
- تازه مېوې
- ترکاري او سبزي
- د کب یوه ټوټه غوښه
- شین چای
- غوزان (مټک) او لږ بادام
- د اوربشو ډوډۍ
دا د بدن رغونې ځواک لوړوي.
۴. د سګریټ پرېښودل
تر ټولو اغېزمنه لاره ده چې د بدن عمر اوږدوي او پوستکي ځوان ساتي.
۵. د روحي فشار کمول
- ژورې ساه اخستل
- تلاوت او دعا
- قدم وهل
- سپک ورزش
۶. منظم بدني خوځښت
هره ورځ ۲۰–۳۰ دقیقې چټک قدم وهل د بدن حجري فعاله او پیاوړې ساتي.
۷. د اوبو څښل
په ورځ کې ۶–۸ ګیلاسه چې د پوستکي نرموالی ، زرغون کیدل او ځوان ساتي.
۸. د ویټامینونو مناسب استعمال
لکه:
- ویټامین C
- ویټامین E
- اومېګا–۳
- ویټامین D
دا د زر زړېدو طبیعي بهیر ورو کوي.