د کویت د شمال د “الصبیه” په صحرايي سیمه کې لرغونپېژاندو د کیدنو په ترڅ کې یوه بې ساري خټینه مجسمه موندلې ده.
لرغونپېژندونکي وایي چې دا مجسمه د هغو تر تاریخ وړاندې خلکو کلتور ښيي چې تر میلاد له ۴۹۰۰ څخه تر ۵۵۰۰ کلونه پخوا په دې سیمه کې اوسېدل.
د مجسمې سر چې اوږده کوپړۍ، ویړه پزه، غایبه یا هواره خوله او نرۍ او تنګې سترګې لري، د مار وزمه انسانانو مجسمو ته ورته والی لري چې عموماً د “عبید” کلتور له خوا جوړې شوې وې.
دا هنري اثر د “بحره ۱” په لرغونې سیمه کې د کویټي او پولنډي لرغونپېژندونکو یوې ډلې له لوري د کیندنو پر ترڅ کې موندل شوی دی.
د پولنډ د وارسا پوهنتون لرغونپېژندونکی پییوتر بیلینسکي، په دې اړه وایي: «دا مجسمه د لرغونې ټولنې د انسانانو لپاره د دې مجسمې د دیني یا سمبولیک ارزښت په اړه په زړه پورې پوښتنې راپورته کوي.»
مخکې له دې چې سومریان د بشر یو لومړنی تمدن تاسیس کړي، د عبید ځايي کلتور په بین النهیرین کې د لومړنیو تمدونونو د بنسټ دبرې ایښې وې.
د اوبه خور سیستمونه، سوداګري او معبدونه د دغه کلتور بریاوې وې چې د اوسني عراق او کویت په سیمو کې ورته وده ورکړل شوې وه.