چین د نړۍ لومړی بار وړونکی ډرون معرفي کړ چې په بشپړ ډول د لیزري وړانګو له لارې کار کوي، او دا یو تاریخي پرمختګ ګڼل کېږي.
یاد ډرون د Northwestern Polytechnic University له خوا جوړ شوی، او خپل ټول برق د یوې ځمکنۍ اډې څخه د لوړ ځواک لیزر د وړانګو له لارې بېسیم ترلاسه کوي. دا نوښت د دودیزو سونګ یا بیټرۍ اړتیا له منځه وړي.
په نظري توګه، دا پرمختګ ډرون ته د نامحدود پرواز توان ورکوي – یو داسې پرمختګ چې د هوایي لوجستیک سیستم له سره تعریف کولی شي.
دا لیزري ډرون په سوداګریزو برخو کې د بسته بندۍ د لېږدولو لګښتونه او وخت په بېساري ډول کمولی شي.
همداراز، په بیړنیو عملیاتو، جګړهیزو ماموریتونو یا د طبیعي افتونو ځپلو سیمو کې، دا ټیکنالوژي دا امکان برابروي چې ډرونونه بې له دې چې د چارج یا سونګ لپاره کښیني، دوامداره ماموریت ترسره کړي.
سره له دې چې دا ټیکنالوژي لا هم د آزمایښتي پړاوونو په لومړیو کې ده، خو تر دې دمه یې بریا د دوامدارې هوايي ټیکنالوژۍ او بېسیم انرژۍ انتقال په برخه کې ستر ګام ګڼل کېږي.
Donate د دعوت رسنیز مرکز مرسته وکړئ
