په دې مسئله کې د څلورو واړو مذاهبو اتفاق دی چې کچيرې پر چا قیء غلبه وکړي او ونشي کولای د هغه مخ ونيسي نو روژې ته نقص نه رسوي مګر په قصداً قیء کولو سره د روژې قضا واجبيږي .

د ابوهريره نه روايت دی چې رسول الله صلی الله عليه وسلم فرمايي : من ذرعه  القئ فليس عليه قضاء، ومن استقاء  عمدا فليقض ( که قی پر چا باندې غلبه وکړي قضايي نشته او که څوک په قصد سره قی وکړي د روژې قضا به راوړي ) – احمد ، ابوداود ، ترمذی ، ابن ماجه ، ابن جبان او دارقطني .