نوم: شفيع الله
تخلص: الياس
پلار نوم: عبدالوکيل
اصلي او فعلي استوګنځی: افغانستان/ وردګ/ چک/ بلاغ
پوښتنه : مونږ تجويد کې د استعاذه او بسمله د قرائت اصول ويلي دي خو دا راته نه ده معلومه چې د بسم الله… ويل د سورة په سرکې څه حکم لري ؟ مثلا : فرض، واجب ، سنت او يا مستحب او دليل يې څه دی اعوذبالله خو ثابته دچې دليل قرآني دی اذا قرئت القرآن فستعذ باالله من الشيطان الرجیم
هيله د د بسم الله… حکم هم را ته سره له دلیله واضح کړئ
په پوره درناوي
الجواب:
بسم الله الرحمن الرحیم
تنها لمونځ کونکي د پاره د هر رکعت په شروع کې بسم الله الرحمن الرحيم ویل سنت دی (فقه میسر- فقه اسلامې – کفايت المفتي ) .
د (بسم الله الرحمن الرحيم ) په اړه زمونږ د مذهب (احنافو ) نظريه دا ده چې بسم الله د قرآنکريم يو آیت دی او د سورتونو د فصل يا جدايی د پاره نازل شوی دی ، نو نه د فاتحه جز دی او نه هم د کوم بل سورت جز دی بلکې يو ایت دی د قرآنکريم له آيتونو څخه .
او د بسم الله ويل د الحمدلله او بل سورت په مينځ کې سنت نه دی علامه شامی رحمه الله همدې قول ته ترجيح ورکړی ده ، البته ویل يې باک نه لری .
و فى الدر:
“و لا تسن بين الفاتحة و السورة مطلقاً و لو سرّية، ولا تكره اتفاقاً… و هى آية واحدة من القرآن كلّه انزلت للفصل بين السور فما فى النمل بعض آ ية اجماعاً و ليست من الفاتحة و لا من كل سورة فى الاصح).
نقل فی فتاوي المحمودی حنفي .
د سورت په اول کې بسم الله ویل لمانځه ته څه نقصان نه رسوي او نه ویل یې هم څه نقصان نه رسوي.
والله اعلم
دعوت نیوز دارالافتاء کابل افغانستان