سلامونه می ومنه محترم مولوی صاحت زما پوښتنه داسی ده چه ایا د جنابت په حالت کی خوراک روا دی او کنه یو سړی جنوب دی د جنابت په حالت کی دی ایا هغه کولی شی چه خوراک وکړی او کنه ستاسو د ځواب په انتظار مننه .
ځواب
بسم الله الرحمن الرحيم
هو د جنابت په حالت کې خوراک او چښاک کول يا د حيوان ذبح کول او داسې نور کارونه چې د هغه لپاره طهارت شرط نه وي روا دي .
مګر تر خوراک او چښاک مخکې استنجاء او اودس کول ښه کار دی ځکه چې په صحيحينو کې له بی بی عايشی رضی الله عنها څخه روايت چې څه وخت به چې جناب رسول الله صلی الله عليه وسلم د جنابت په حالت کې ؤ نو چې پدې حالت کې به يې د خوراک يا بيديدلو اراده کوله نو لومړی به يې اودس تازه کولو بيا به يې خوراک کاوه يا به بديده (مشکوة ص ۴۹)
( فتاوی يوسفيه ج ۲ ص ۵۵ ).
و الله اعلم
د جنابت په حالت کې ماشوم ته شېدې ورکول
د جنابت په حالت کې پېشمنی کول څه حکم لري؟