پلار د ژوند ستر نعمت !

خالد منصور هډه وال الافغاني

شاعر حمزه بابا (خان عبدالصمد خان اڅکزی) وائي !

زه به دې امسا یم، ته وهه راسره لاره
ما له دعا پرېنږدې، چې ورک به شمه پلاره .

اکثره ئي چه ژوندي وئ په قدر نه پوهيږي بلکه د پلار خالصه او پاکه مينه او رشته تري لاړه شي نو بيا ارمان کوي.

پلار هغه لویه هستي ده چې د ژوند ښکلا، ډاډ، او تکيه یې له وجود سره تړلې ده. هغه د ژوند هغه تکیه ده چې هیڅکله مو یوازې نه پرېږدي، د هغو قربانیو ټولګه چې د اولاد لپاره یې د ژوند هره آسانتیا قربانوي.

پلار – د مینې، قربانۍ او رحمت څلی

پلار هغه ستر نعمت دی چې ژوند ته ښکلا، سکون، او امید بښي. هغه د ژوند د هرې سختۍ په وړاندې لکه د غر دیوال ولاړ وي، د خپلو اولادونو د اسودې ژوند لپاره هر ډول قرباني ورکوي او خپل دردونه پټ ساتي. پلار یوازې د کور د ملا تیر نه دی؛ بلکې هغه زموږ د هرې موسکا، هیلې او بریا شاه دی.

پلار یعنې د ژوند تکیه او د زړۀ سکون. هغه زموږ د هرې کمزورۍ ډال وي، زموږ لپاره په هر ګام د دعا په توګه ولاړ وي. د پلار نشتون لکه بې دېوالونو کور، چې ژوند له مینې او آرامۍ بې برخې کړي. الله تعالی دې د هېچا د کور دا عظیمه ستنه نه نړوي.

پلار یعنې د شفقت بحر، د محبت او قربانۍ مجسمه. هغه زموږ لپاره تل فکر کوي، هره ورځ د خپلو هیلو قرباني کوي، تر څو موږ بریالي ژوند ولرو. هغه زموږ لپاره د مینې، اطاعت او لارښوونې نښه ده.

د پلار حضور موږ ته د ژوند حقیقي خوشحالي وربښي. هغه یوازې یو شخص نه دی، بلکې هغه یو احساس دی چې په هر ګام کې زموږ لاسنیوی کوي او موږ ته د پرمختګ لارښوونه کوي.

پلار جانه، ستا په اړه لږ څه:

پلار جانه، ته زموږ د ژوند د ملا تیر یې، ته زموږ لپاره هغه سیوری یې چې د لمر د ګرمۍ نه مو ژغوري. ته زموږ لپاره د خوښۍ زېری یې، او ستا دعا زموږ د ژوند تر ټولو غوره ملګرې ده.

پروردګاره! زموږ پلارونه خوشحاله او صحت مند وساته. هغوی ته اوږد ژوند ورکړه او هغوی ته د دنیا او آخرت ټولو نعمتونو برخه کړه. آمین.

پلار جانه، زه ستا د قربانیو او مینې شکرګذار یم. زما عمر دې ستا شي. ته زموږ ژوند یې او زموږ ویاړ. الله دې موږ ته ستا په ژوند کې ډېر خوشحاله وختونه راکړي.

پلار یعنې:

د مینې او شفقت سمبول

د هیلو پوره کوونکی

د ژوند د سکون وږمه

د ژوند ښکلا او سرمایه

د اولادونو شفیق

د زړه سکون او د بدن وینه

د اولادونو لپاره د خدای رحمت څلی

پلار هغه څوک دی چې خپل دردونه پټوي، خپل ارمانونه هېرېږي، خو د اولاد د مسکا لپاره هر څه ترسره کوي. د پلار مینه هغه مینه ده چې هیڅکله پای ته نه رسېږي. هغه د ژوند هغه سیوری دی چې ترې بې‌برخې کېدل د ژوند له دیوالونو پرته کور ته ورته دي.

پلار هغه څوک دی چې اولاد ته سمه لاره ورښیي او د بدو لارو نه یې منع کوي. هغه د ژوند د بریالیتوبونو راز دی، د ارادې او عزم سمبول دی، او د هر اولاد لپاره د هغه نړئ ده.

د رسول الله ﷺ حدیث دی:
“له مينې خپل مور او پلار ته کتل په عبادت کې حسابېږي.”

پروردګاره! زموږ پلرونه دې روغ او ژوندی لره، د هغوی هره شپه دې د راحت او هره ورځ دې د خوښۍ نه ډکه وي. او که د چا پلار د دې نړۍ نه تللی وي، خدای دې هغوی ته د جنت سرداري ور په برخه کړي.

د پلار مقام دومره لوړ دی چې موږ یې په الفاظو کې تشریح کولی نه شو. د هغه په ژوند کې قدر وکړئ، ځکه د هغه نشتون بیا ژوند ته هېڅ مانا نه ورکوي. پلار د کور هغه ستن ده چې د ټولې کورنۍ ساتنه کوي او هغوی ته مینه، سکون او هیله بښي.

الله دې زموږ پلارونه په خپلو ځانګړو رحمتونو کې نغښتي وساتي.
پلار، د ژوند د مینې او امید ښکلی نوم دی. خدایه، د هېچا د کور دا دېوال مه نړوه.

آمین!

………………………………………………………………………………………………………………………………………………………..