کومو کسانو ته د زکات ورکول جواز نلري ؟
۱- غني او د کسب او کار وړ کس ته زکات ورکول جواز نلري .
غني هغه کس دی چې محتاج نه وي او يا هم د نصاب خاوند وي هغه ته د زکات ورکول جواز نلري .
او هغه کس چې د کسب او کار وړتيا ولري زکات ورکول ورته جواز نلري په دليل د دغه حديث شريف « ولا حظ فيها لغنيٍّ ولا لقويٍّ مكتسبٍ»[1].
مګر که يو کس کسب او کار تر سره کوي مګر احتياج يې نه ورباندې رفع کيږي او يا دا چې د کسب او کار لپاره هلې ځلې کوي مګر کسب او کار ورته نه پيدا کيږي نو هغه ته د زکات ورکول جايز دي ځکه د فقير او مسکين په ډله کې حسابيږي .[2]
۲- بنو هاشم ته د زکات ورکول جواز نلري .
په دليل د دغه حديث شريف : «إن الصدقة لا تنبغي لآل محمد إنما هي أوساخ الناس»
او بنو هاشم د علي رضی الله عنه آل (کورنۍ ) د عقيل کورنۍ ، د جعفر کورنۍ ، د عباس کورنۍ او د حارث له کورنۍ څخه عبارت دي .
۳- کافر ته زکات ورکول جواز نلري .
۴- والدينو ته زکات ورکول جواز نلري .
خپل پلار ، نيکه ، مور ته زکات ورکول جواز نلري ځکه د پلار ، نيکه او مور نفقه پر اولاد باندې واجب ده ، نفقه او زکات نشي جمع کيدای کچېرې زکات ورکړل شي د نفقې د وجوب حق يې ساقطيږي .
۵- خپلو اولادونو ته زکات ورکول جواز نلري ځکه د اولاد نفقه ورباندې واجب ده .
۶- خپلې ښځې ته زکات ورکول جواز نلري ځکه د ښځې نفقه واجب ده .
د امام ابوحنيفه په نزد ښځه خپل خاوند ته زکات نشي ورکولای[3] .
مګر د صالحبانو په نزد کچېرې خاوند محتاج وي نو ښځه خپل خاوند ته زکات ورکولای شي [4].
۷- هغه کسان چې په ده يې نفقه واجب وي هغه ته د زکات ورکول جواز نلري .
د پورته خپلوانو څخه علاوه ټول هغه خپلوان چې په ده يې نفقه واجب نه وي لکه: وروڼه او خويندې ، خاله ، عمه ، ماما ، تره ، د تره زوی ، خسر او نور خپلوانو ته زکات ورکول جايز دي او خپلوانو ته د زکات ورکول دوه اجرونه لري د زکات اجر او د صله رحمۍ اجر .
جاء في فقه الاسلامي وادلته :
ويجوز دفع الزكاة إلى بقية الأقارب الفقراء غير المذكورين كالأخ والأخت والعمة والعم والخالة والخال ونحوهم، لحديث الطبراني عن سلمان بن عامر: «الصدقة على المسكين صدقة وهي لذي الرحم اثنتان: صدقة وصلة» بل إن القرابة أحق بزكاة المزكي، قال مالك: أفضل من وضعت فيه زكاتك قرابتك الذين لا تعول.
مګر نفلي صدقات بيا خپلو والدينو ، اولاد ، ښځې او نورو ته ورکول جايز دي[5] .
دعوت نیوز.کام
[1] – أبو داود (۱۶۱۷)، والنسائي (۵/ ۹۹).
[2] – قال دوکتور راشد بن عثمان في فقه الزکاة : الغني لا يجوز أن يأخذ من هذه الزكاة، ولا يجوز أن تخرج له، القوي المكتسب الذي يستطيع أن يعمل أيضًا لا يجوز أن تخرج له الزكاة، إلا إذا كان عمله لا يجلب له من المال ما يسد حاجته، وحاجة من يعول.
[3] – درالمختار :۲/۹۰ .
[4] – بدائع الصنائع :۲/۴۰ .
[5] – بدائع الصنائع :۲/۵۰ .
د دعوت نیوز رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت نیوز رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت نیوزبانکي پتهIslamic Bank AC # 00105100585219 :
د واټس آپ شمېره WhatsApp: +93 747 162 162:
Support Dawatnews Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawatnews Media Center from as little as $/€10 – it only takes a minute. If you can, please consider supporting us with a regular amount each month. Thank you
Islamic Bank AC # 00105100585219
Account for international payments: 00105100585219
WhatsApp:+93 747 162 162