غزل

د ځینو سترګو رپیدا کې د انکار ژبې
زما د یار له خولې راووتې د مار ژبې

ځینې ځوانان له ادبي پلوه دومره خوار دي
چې نه استاد لارې ته سم کړه نه د پلار ژبې

که وده غواړئ، پرمختګ ته لیوالتیاوې لرئ
سره مدغم کړئ کلیوالې او د ښار ژبې

دلته یرغل کلي وران کړي کلیوال یې نشته
ثبوت یې وایي د زخمي راپروت چنار ژبې

په تش شعار خو نور غره وو چې اوس یو لا نشته
تاسو ژوندۍ کړئ رغوني ته د کار ژبې

داسې نو نه ده چې د کونډې خوله کې تل دعا وي
کله سپیرو خولو کې پرتې دي د ازار ژبې

خزان به خود منئ، د ژمي ساړه هم تېرېږي
تر څو مو زده شي د ګلونو او بهار ژبې

د چاپلوسۍ ژبه خوږه ده پام دوکه دې نه کړي
طارقه! زده کړه د زخمونو او پرهار ژبې

٥ جمادي الآخرة | ١٤٤٨ قمري
٢٥ عقرب | ١٤٠٥ شمسي

فراه، مرکز

دعوت نیوز در شبکه های اجتماعی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

📛 تاسو د کاپي کول اجازه نه لری!
محتوای این وب‌سایت محفوظ است. لطفاً بدون اجازه، آن را کپی نکنید.