له ابى علي شداد بن اوس رضی الله عنه نه روايت دی چې رسول اكرم صلی الله عليه وسلم فرمايلي: «إِنَّ اللهَ كَتَبَ الإِحْسَانَ عَلَى كُلِّ شَيْءٍ: فَإِذَا قَتَلْتُمْ فَأَحْسِنُوا الْقِتْلَةَ، وَإِذَا ذَبَحْتُمْ فَأَحْسِنُوا الذِّبْحَةَ، وَلْيُحِدْ أَحَدُكُمْ شَفْرَتَهُ، وَلْيُرِحْ ذَبِيحَتَهُ»([1]). (رَوَاهُ مُسْلِمٌ).
ژباړه : يقيناً الله تعالی د هر شي سره نيکي کول واجب کړي دي ، پس که تاسې قتل کوئ ( پر حق سره ) په نيکه او ښه طريقه يې تر سره کړئ او کله چې تاسې ذبحه کوئ په ښه طريقه يې ذبحه کوئ ، او هر يو د تاسې به چاړه تيزه کوئ تر څو هغه څاروی چې ذبحې کيږي آساني پکې راشي .
تشريح :
قول د « فَأَحْسِنُوا الْقِتْلَةَ » مطلب عام دی ، په ذبحه ، قصاص ، حد جاري کولو کې به ښه سلوک او نيکي وي ، د حد څخه تيری به نه وي .
«وَلْيُرِحْ ذَبِيحَتَهُ» منعی دا چې د ذبحې د څاروي سره به احسان کيږي ، هغه بې ضرورته نه کشکول کيږي ، هغه ته به تکليف نه ورکول کيږي ، بلکي د شريعت موافق به د هغه مری د الله تعالی په نوم په تيزه څاړه ذبحه کيږي ، او د الله تعالی په نعمت اعراف کول چې زمونږ لپاره يې مسخر کړی دي او زمونږ لپاره غوښه د خوراک لپاره حلاله ګرځولې ده .
خبردارئ : په ځينې هيوادونو کې د مرۍ د پرې کولو پر ځای څاروي ته برقي شارت ورکول کيږي چې په دې سره حيوان مري ، او دا حيوان شرعاً مردار دی ځکه چې په شرعي طريقه کوم چې د مری پرې کول دي نه دی ذبحه شوی .
[1]– رَوَاهُ الْبُخَارِيُّ.
من اربعين النوويه
…………………………………………………………………………………………………………………………………………
که تاسو غواړئ چې علمي او تحقیقاتي لیکنې او مقالې مو په دعوت نیوز کې خپرې شي نو لاندې لینک کیکاږئ او مونږ ته په انلاین بڼه خپله لیکنه را واستوئ؛
https://dawatnews.com/submit-article/
شرعي پوښتنه:
که کومه شرعي پوښتنه لری دمهربانی له مخې لاندې فورم ډک کړی او خپله پوښتنه ثبت کړئ.