له ابىرقيه تميم بن اوس الدارى رضی الله عنه څخه روايت دی چې رسول الله صلی الله عليه وسلم فرمايلي:
«الدِّينُ النَّصِيْحَةُ قُلْنَا: لِمَنْ؟ قَالَ: لِلّهِ، وَلِكِتَابِهِ، وَلِرَسُولِهِ، وَلأَئِمَّةِ الْمُسْلِمِينَ وَعَامَّتِهِمْ»([1]).
ژباړه : دين نصيحت دی ، و مو ويل : د چا لپاره ؟ ويې فرمايل : د الله تعالی لپاره ، او د هغه د قرآن لپاره ، او د هغه د پيغمبر لپاره او د مسلمانانو د پيشوايانو لپاره او د ټولو مسلمانانو لپاره .
تشريح :
«النَّصِيْحَةُ» جامع کلمه ده چې معنی خير دی .
« النَّصِيْحَةُ لله» د معنی په باره کې خطابي او نور وايي چې :
د الله د پاره نصحيت دا چې : په هغه باندې ايمان راوړل ، د شرک څخه پرهيز کول ، د الله تعالی د ټولو اوامرو منل او د هغه د منع شويو شيانو څخه پرهيز کول ، په ټولو امورو کې اخلاص لرل ، او خاص د الله تعالی عبادت کول ، نو دا نصيحت په اصل کې د بنده لپاره نصیحت شو او الله تعالی د ناصح نصيحت ته ضرورت نه لري .
او د کتاب الله لپاره نصيحت دا دی چې : د الله تعالی په کلام باندې ايمان لرل او د هغه په اوامرو باندې عمل کول ، د هغه تلاوت کول او د تلاوت حق يې ادا کول او د هغه ضروري علوم زده کول او د هغه طرف ته دعوت کول دي .
د رسول الله صلی الله عليه وسلم لپاره نصيحت دا چې : د هغه تصديق کول ، په هغه باندې چې څه نازل شوي په هغه باندې ايمان راوړل ، او د هغه اطاعت کول .
نصيحة الأئمة المسلمين څخه مطلب دا دی چې د مسلمانانو د مشرانو په حق کې کومک کول او په مشروع کارونو کې د هغوی اطاعت کول او د دين او دنيا په امور کې د هغوی غفلت کولو ته متوجه کول .
او عامه مسلمانانو لپاره نصيحت دا چې : د خير په کارونو د هغوی سره مرسته وشي ، هغوی ته په نيکی امر وشي او له بدی څخه منع شي ، د هغوی پرده کول ، د هغوی نه د ضرر دفع کول او هغوی ته د خير په کار کې ګټه رسول ، د ځان لپاره چې څه سړي خوښوي د نورو مسلمانانو لپاره به يې هم خوښوي او د ځان لپاره چې څه بد ګڼې د نورو مسلمانانو د پاره به يې هم بد ګڼې . والله اعلم .
نصيحت فرض کفايي ده ، که يو ډله يې قيام وکړي د نورو غاړه ورباندې خلاصيږي ، او په قدر د ضرورت لازم دی .
(شرح الأربعين الننوية / ابن سابق رحمه الله ) .
[1]– رَوَاهُ مُسْلِمٌ.
…………………………………………………………………………………………………………………………………………………………………………………………………
که تاسو غواړئ چې علمي او تحقیقاتي لیکنې او مقالې مو په دعوت نیوز کې خپرې شي نو لاندې لینک کیکاږئ او مونږ ته په انلاین بڼه خپله لیکنه را واستوئ؛
https://dawatnews.com/submit-article/
شرعي پوښتنه:
که کومه شرعي پوښتنه لری دمهربانی له مخې لاندې فورم ډک کړی او خپله پوښتنه ثبت کړئ.