د کرهنې د فضيلت په باره کې په قرآن او سنتو کې ډير فضائل بيان شوي دي دلته يوازې د دوه حديثونه په بيان باندې اکتفا کوو :
عَنْ أَنَسِ ابْنِ مَالِكٍ رضی الله عنه قَالَ: قَالَ رَسُولُ اللَّهِ صلی الله عليه وسلم: «مَا مِنْ مُسْلِمٍ يَغْرِسُ غَرْسًا، أَوْ يَزْرَعُ زَرْعًا فَيَأْكُلُ مِنْهُ طَيْرٌ أَوْ إِنْسَانٌ أَوْ بَهِيمَةٌ إِلاَّ كَانَ لَهُ بِهِ صَدَقَةٌ». (البخارى: ۲۳۲۰)
انس رضی الله عنه وايي جناب نبی کريم صلی الله عليه وسلم فرمايلي : هر مسلمان چې څه کرونده وکړي يا کومه ونه کيږدي ، نو کوم انسان ، حيوان او مرغه چې له هغه څخه څه وخوري ده لره به صدقه شميرل کيږي .
او همدارنګه فرمايي :
«من نصب شجرة فصبر على حفظها والقيام عليها حتى تثمر كان له في كل شيء يصاب من ثمرها صدقة عن الله -عز وجل» (أخرجه أحمد ۴/۶۱).
څوک چې ونه کښينوي او په صبر د هغه ساتنه او پالنه وکړئ تر دې پورې چې حاصل ته ورسيږي ، ده لره به د الله تعالی په نزد د پالنې د تکليف ، زحمت او ميوې په بدل کې صدقه وي .