ای خورې! ته خو يې يوځل ولوله
ډاکټر عبدالحق فرقانيار
ای خورې!
له ډېرو سختو او دردوونکو حالاتو سره سره زه خپل مسئولیت د اداء او همدردۍ له مخې تاته نصيحت کوم.
ای خورې!
لکه څنگه چې د سر په سترگو یې وينې او د زړه ل تله یې احساسوې چې د ځمکې مخ څومره له فساد او فحشاوو څخه ډک دی، د حقیقت پر مخ د مجاز پردې اچول شوي، د اصلاح پر ځای لا ديني زیاته شوې، د ښو اخلاقو ځای حیواني او شيطاني بدمرغيو او بې عفتيو نيولی، کورونه، کلي، قومونه، او ملتونه له هغې اصلي روحيې او مستقيمي لارې څخه کاږه شوي دي چې د خير او فلاح وي، فساد او فحشا کومي شلولي پاک ناپاک تر خپل حلقوم تېروي، غيرت، عفت ، اسلامي اخوت له منځه تللی او داسې حالات را برسېره شوي چې که لږ نور مونږ له دې تباه کوونکي خوبه راويښ نه شو نو زمونږ د خير او فلاح کښتۍ به د ابد لپاره د فحشاوو او فساد سمندرگي کې ډوبه او لاهو شي.
ای خورې!
ددې بدو حالاتو او خطرناکو عواقبو د مخنيوي کلي يوازې ستا په لاس کې ده او ته هم اوس کولی شی چې ډېر څه وکړې د هغو مفسدو او فاحشو بدکاره غلو مخه ونیسې چې د خپلو خويندو او ميندو عفتونه لوټي د هغو کورونو کنډرونه ماتوي چې بيايې رغېدل او جوړېدل د هر چا له وس او قدرته وتلی وي. داسې غلو چې کوم عفتونه لوټلي وي بیا رغونه يې ناممکنه او لا محاله شي هغه بيا د فساد او فحشاوو بړبوکۍ په هوا کړي چې بيا هېڅکله د تم کېدو او روانېدو جوگه نه وي.
ای خورې!
که ته د خپل عفت او پردې په خپله ساتنه ونه کړې او داسې مفت او ارزانه يې ليلام کړې نو بل څوک به د داسې لېوانو مخه ونيسی؟ چې د هغو وږو خولې ته غوښې په خپله ور وړاندې کوي.
ای خورې!
تا به د يوې لحظې خوند او مزه د ټول عمر لپاره د بې مزې او بې خونده ژوند څښتنه کړي او تر هغې درانه پېټي لاندې به شې چې بل څوک يې در څخه اخستلای او اوچتولای نه شي.
له ډېرو سختو او دردوونکو حالاتو سره سره زه خپل مسئولیت د اداء او همدردۍ له مخې تاته نصيحت کوم.
ای خورې!
لکه څنگه چې د سر په سترگو یې وينې او د زړه ل تله یې احساسوې چې د ځمکې مخ څومره له فساد او فحشاوو څخه ډک دی، د حقیقت پر مخ د مجاز پردې اچول شوي، د اصلاح پر ځای لا ديني زیاته شوې، د ښو اخلاقو ځای حیواني او شيطاني بدمرغيو او بې عفتيو نيولی، کورونه، کلي، قومونه، او ملتونه له هغې اصلي روحيې او مستقيمي لارې څخه کاږه شوي دي چې د خير او فلاح وي، فساد او فحشا کومي شلولي پاک ناپاک تر خپل حلقوم تېروي، غيرت، عفت ، اسلامي اخوت له منځه تللی او داسې حالات را برسېره شوي چې که لږ نور مونږ له دې تباه کوونکي خوبه راويښ نه شو نو زمونږ د خير او فلاح کښتۍ به د ابد لپاره د فحشاوو او فساد سمندرگي کې ډوبه او لاهو شي.
ای خورې!
ددې بدو حالاتو او خطرناکو عواقبو د مخنيوي کلي يوازې ستا په لاس کې ده او ته هم اوس کولی شی چې ډېر څه وکړې د هغو مفسدو او فاحشو بدکاره غلو مخه ونیسې چې د خپلو خويندو او ميندو عفتونه لوټي د هغو کورونو کنډرونه ماتوي چې بيايې رغېدل او جوړېدل د هر چا له وس او قدرته وتلی وي. داسې غلو چې کوم عفتونه لوټلي وي بیا رغونه يې ناممکنه او لا محاله شي هغه بيا د فساد او فحشاوو بړبوکۍ په هوا کړي چې بيا هېڅکله د تم کېدو او روانېدو جوگه نه وي.
ای خورې!
که ته د خپل عفت او پردې په خپله ساتنه ونه کړې او داسې مفت او ارزانه يې ليلام کړې نو بل څوک به د داسې لېوانو مخه ونيسی؟ چې د هغو وږو خولې ته غوښې په خپله ور وړاندې کوي.
ای خورې!
تا به د يوې لحظې خوند او مزه د ټول عمر لپاره د بې مزې او بې خونده ژوند څښتنه کړي او تر هغې درانه پېټي لاندې به شې چې بل څوک يې در څخه اخستلای او اوچتولای نه شي.