پوښتنه :
( ٧١٠)
يوه سړي ترنکاح مخکې شرط کيښوده چې که ماخپله ښځه دمور اوپلار کورته له تللو بنده کړه يامې نفقه ورنه کړه نومطلقه دې وګڼله شي اوس دجينۍ پلار دعوه کړې ده ترڅودجينۍ نکاح بل ځاى وکوي ايا داشرط ترنکاح مخکې شرعا معتبر دى اوکه نه ؟
ځواب :
له نکاح مخکې نکاح ته له اضافته پرته دا ډول تعليق صحيح نه دى ځکه نودهغه زوجه په دې صورت کې دشرط له تحقق څخه وروسته نه طلاقيږي ( کما في الدرالمختار باب التعليق شرطه الملک الخ او الاضافة اليه کانم نکحت امراة وان نکحتک فانت طالق الخ فلغا قوله لا جنبيه ان زرت زرينا فانت طالق فنکحها فزارت الخ ) (1)
(1) الدرالمختار على هامش ردالمخحتار بآب التعليق (_ ج ٢ ص ٦٨٠ ط س