د آنلاین اسلامی لارښود ټولو عالمانو، کارکونکواوتخنیکی همکارانو ته سلامونه وړاندی کوم.
آیا ضروری ده چی زکات په بزرګه میاشت کی ورکړل شی؟
رحيم الله
ځواب
بسم الله الرحمن الرحيم
د زکات د ادا کولو د پاره په اسلامي شريعت کې کوم خاص وخت او مياشت نه دي ټاکل شوي بلکي کله چې کال پوره شي زکات به ادا کوي همدارنګه د زکات پيشکي ورکول هم جايز دي ، مګر په رمضان المبارک کې د صدقاتو او زکات ورکول د ثواب د زيادت سبب ګرځي .
جناب رسول الله صلی الله عليه وسلم به په رمضان المبارک تر ټولو خلکو په خيرات ورکولو کې مخکې ؤ په دليل د دغه حديث شريف چې امام بخاري او امام مسلم روايت کړی دی :«کان النبی صلي الله عليه و سلم اجود الناس بالخیر وکان اجود ما یکون فی رمضان»
محمود الفتاوي
و الله سبحانه وتعالی اعلم