د قرآنکريم ترتيب او جمع

په علوم القرآن کې د جمع القرآن موضوع ډيره مهمه موضوع ده ځکه اکثره اسلام دوښمن چې ګوتنيونه کوي هغه دغې موضوع ته ده.

د جمع القرآن معنی :

د جمع القرآن دری ډوله معناوې دي :

جمع: په سينو کې د حفظ او يادولو په معنی.

کتابت: په مصاحفو کې د ليکلو او جمع کولو په معنی.

ثبت صوتي: په صوتي آلاتو کې د قرآن ثبتول.

۱- په سينو کې د قرآنکريم جمع کول :

الله سبحانه وتعالی خپله د قرآنکريم د حفظ او ساتلو ذمه اخيستلې ده مګر د نورو آسماني کتابونو د حفظ او ساتلو ذمه واري يې د هغوی اهل ته سپارلې وه، چې همدا وجه وه چې نومړي کتابونه لکه: زبور او انجيل تحريف شوي دي.

مګر قرانکريم چې ساتنه يې د الله تعالی په ذمه ده د تحريف څخه پاک دی، لقوله سبحانه وتعالی :[ إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ] (الحجر:۹ ) .

د قرآنکريم د حفظ حکم :

د قرآنکريم حفظ په امت باندې فرض کفايي دی، يعنې: په امت کې به داسې يو ډله موجوده وي چې هغوی قرآن حفظ کړي.

مګر د قرآن دومره يادول چې لمونځ ورباندې صحي شي په هر مسلمان باندې فرض دی لکه: فاتحه او ځيني آسانه سورتونه او آیتونه.

په سينو کې د قرآن د يادولو تاريخ :

لمړی کس چې قرآن يې ياد وو جبريل عليه السلام ؤ، بیا رسول الله صلی الله عليه وسلم او بيا صحابه کرام رضی الله عنهم او بيا د امت نور حافظان چې الحمدلله تر نن پورې دا سلسله روانه ده.

۲- د قرآنکريم کتابت:

د قرآنکريم د کتابت مراحل :

اول: په عهد نبی صلی الله عليه وسلم کې د قرآن کريم کتابت.

دوهم: په عهد ابی بکر صديق رضی الله عنه.

دريم: په عهد عثمان رضی الله عنه.

…………………………………………………………………………………………………………………………………………

که تاسو غواړئ چې علمي او تحقیقاتي لیکنې او مقالې مو په دعوت نیوز کې خپرې شي نو لاندې لینک کیکاږئ او مونږ ته په انلاین بڼه خپله لیکنه را واستوئ؛

https://dawatnews.com/submit-article/

شرعی پوښتنه:

که کومه شرعی پوښتنه لری دمهربانی له مخی لاندی فورم ډک کړی او خپله پوښتنه ثبت کړي.