۱ ايا سړی نه شی کولای چې د مازسخوتن لمونځ سره د وترو وکړی او بيا د شپي په يوه برخه کې رابيدار شی ترڅو تهجد وکړی ؟ دا پوښتنه ځکه کووم چئ ما ديو ملګری نه واوريدل چئ د وترو نه بعد سړی نه شی کولای تهجد وکړی نو بيا ما داهم اوريدلی دی چي سړی وتر وکړی او ويده شی نو ثواب لری نسبت هغی ته چې يي پريدی ترڅو تهجدو ته راپاڅیږی کيداشی که څوک ويده شی او وتر ونه کړی تر څو تهجدو ته راپاڅیږی نو بيا ددی ويره هم شته که سړی ونه
شی کولای تهجدو ته راپاڅیږی نو وتر به هم لاړ وی او تهجد هم نو زه وايم چې کوم يو صحيح عمل دی؟
حيات هجران
ځواب
بسم الله الرحمن الرحيم
پر چا چه الله جل جلاله دا فضل کړی وي چه د تهجد لمونځ کوي نو د داسې کس د پاره سنته طريقه داده چې د وتر لمونځ و ځنډوي او د شپې په آخري حصه تر صبح صادق پورې به هغه ادا کوي .
مګر څوک چې د شپې د پاڅيدلو توان نه لري د هغه د پاره مستحب داده چې د وتر لمونځ د ماسختن د لمانځه وروسته (د شپې په اوله حصه ) کې ادا کړي .
يعنی که څوک د پاڅيدلو توان لري هغه به وتر ځنډوي او دشپې به يې کوي (ځکه چه ثواب لري ) مګر که څوک پخپل ځان د پاڅيدلو اطمنان نه لري هغه به وتر د ماسختن له لمانځه سره ادا کوي .
جناب رسول الله صلی الله عليه وسلم فرمايي : عن عائشة. قالت: من كل الليل قد أوتر رسول الله صلى الله عليه وسلم. من أول الليل وأوسطه وآخره. فانتهى وتره إلى السحر. (المسلم ۷۴۵)
عايشه رضی الله عنها فرمايي چه رسول الله صلی الله عليه وسلم د شپې په هر حصه کې وتر کړی دي – په اوله شپه کې هم نيمه شپه کې او په اخري شپه کې هم او د بنی صلی الله عليه وسلم وتر به عموماً صبا پورې ختميدل (متفق عليه ) .
پاتي شوه دا خبره چې که څوک د تهجد د لمانځه د پاره پاڅيږي او د پاڅيدلو توان لري نو هغه به لومړی د وتر لمونځ ادا کوي او که د تهجد لمونځ ؟
لومړی به د تهجد لمونځ ادا کوي او بيا به د وتر لمونځ ادا کوي په دليل د دغه حديث شريف :
د حضرت عبدالله بن عمر نه روايت دی چه رسول الله صلی الله عليه وسلم به فرمايل (اجعلوا آخر صلاتكم بالليل وترا) (البخاري ۹۵۳ ) : ( تاسې د شپې آخري لمونځ وتر وګرځوی ) .
ومن الله توفيق
د دعوت نیوز رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت نیوز رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت نیوزبانکي پتهIslamic Bank AC # 00105100585219 :
د واټس آپ شمېره WhatsApp: +93 747 162 162:
Support Dawatnews Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawatnews Media Center from as little as $/€10 – it only takes a minute. If you can, please consider supporting us with a regular amount each month. Thank you
Islamic Bank AC # 00105100585219
Account for international payments: 00105100585219
WhatsApp:+93 747 162 162