په لاندې ځايونو کې لمونځ لمونځ کول مکروه تحريمي دي ځکه چې په داسې ځايونو کې لمونځ کول په سنتو کې منع شوي دي :
۱- په لاره کې لمونځ کول مکروه دي ځکه چې هلته د خلکو تګ راتګ وي .
۲- په قبرستان کې لمونځ کول مکروه دي .
۳- په داخل د حمام کې لمونځ کول مکروه دي .
۴- په کليسا کې لمونځ کول مکروه دي .
۵- د کعبې شريفې په بام لمونځ کول مکروه دي .
۶- د اوښانو او حيوانانو په پنډغاړي کې لمونځ کول مکروه دي .
۷- چېرې چې نجاست لنډ وي يا د نجاست وېره وي هلته لمونځ کول مکروه دي لکه د حيواناتو د ذبحې کولو ځای ، د حيوانانو د خشيو وچولو ځای او داسې نور .
۸- د جمهورو په نزد په غصب شوي ځمکه لمونځ کول مکروه دي مګر د امام احمد په نزد حرام دي همدارنګه په حرامو مال باندې جوړ شوي جومات کې لمونځ کول مکروه دي .