د دعوت نیوز مسئولينو ته السلام علیکم ورحمت لله وبرکاته
بعد: باید پوه شم چی په موتر کی لمونح باید سنگه اداشی او همیشه دا عمل تکرارول جایزدی که نه؟ زکه کله چی مونژ ددفتر نه کورته زو نو د بیروبار په وجه د ماشام اذان په لاره کی وکری او موتر نه دریژی نو جایز دی چی لمونح په موتر کی په ناسته وکرم که سنگه ؟ په درناوی – مطيع الله نوري
ځواب
بسم الله الرحمن الرحيم
په موټر کې فرض لمونځ کول نه صحي کيږي مګر د سفر په وخت کې سنت او نفل سړی په سورلی کې ادا کولای شي ، د فرضو د ادا کولو د پاره به له سورلی څخه ښکته کيږي او لمونځ به کوي .
متفق عليه حديث شريف دی : (پيغمبرصلی الله عليه وسلم به فقط فرضي لمونځونه د اوښ په شا نه ادا کول) متفق عليه، بخاري (999-1000-1095-1096-1098-1105)، مسلم (700).
حضرت جابر رضی الله عنه وايي : (رسول الله صلى الله عليه و سلم به د سفر په وخت کې په اوښ باندې لمونځ کولو په هر طرف به چې تللو په همغه طرف به يې لمونځ کولو ، او هر کله به يې چه فرض لمونځ ادا کولو نو له اوښ نه به پياده شو او مخ به يې قبلې ته کولو). بخاري (400-1094-1099-4140).
مګر که څه عذر وي چه د سورلی نه په کوزيدلو سره د سر او مال زيان وي مثلاً د دوښمن ويره وي د سامان د ورکيدو ويره وي نو بيا په سورلی کې لمونځ کول جايز دي .
ومن الاعذار ان يخاف لونزل عن الدابة علی نفسه او علی ثيابه او دابته لصاً او سبعاً او عدواً (فتاوی هنديه ج ۱ ص ۹۲ ، شرح التنوير ج ۱ ص ۷۳۳ ، زيوربهشتي ج ۱ ص ۱۶۱ ) .
فان صلاة الفرض في الستارة لا تصح الا اذا امکن فيها القيام ، والاعتدال والطمانينة ، اذا کان هناک عذر يمنع من النزول ، وقد خيف فوات الوقت متجوز الصلاة فيها (فتاوی الشبکة اسلامية ) .
که رابندي وي او د لمانځه د فوت کيدو خطر وي نو سړی به له موټر څخه پياده کيږي او لمونځ به کوي وروسته به په بل موټر کې ځي دا کوم عذر نشي کيدای .
خو که له چا سره خپل موټر وي او په رابندی کې ګير شي چې هيڅ خواته نشي تلای يا له سړی سره سامان وي د لمانځه د فوت ويره وي نو لمونځ به په سورلی کې وکړي .
وروسته به خپل پروګرام ته تغير ورکړي تر څو لمونځ په لاره کې ورباندې قضا نشي او دا به يو هميشنی عادت نه جوړوي.
په نقليه وسايطو کې لکه طياره ، موټر،ګاډی او کښتۍ کې د لمونځ کولو طريقه :
که په وسايطو کې خالی ځای وي د سرګرځيدلو او چپه کيدو ويره نه وي نو په ولاړه لمونځ کول پکار دي مګر که ددی امکان نه وي په ناسته سره لمونځ ادا کيږي د سجدې او رکوع په ځای به اشاره کوي چه د سجدې د پاره به د رکوع په نسبت لږ څه ډيرښکته کيږي .
په لومړی سر کې به خپل مخ د قبلي طرف ته کوي وروسته چې سورلی هري خواته درومې همغه خواته به لمونځ کوي ځکه چې دا رسول الله صلی الله عليه وسلم عادت شريفه وو چې کله به يې د سفر په حالت کې په سورلی لمونځ کولو نو خپله سورلی به يې د قبلی طرف ته برابره کړه تکبير تحريمه به يې وويلو او وروسته به چې هرې لورې ته تله همغه خواته به يې لمونځ کولو ( احمد او ابوداود ) .
ویلزم استقبال القبلة عند الافتتاح و کل مادارات (شرح التنوير ج ۱ ص ۷۹۷ ) .
د دعوت نیوز رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت نیوز رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت نیوزبانکي پتهIslamic Bank AC # 00105100585219 :
د واټس آپ شمېره WhatsApp: +93 747 162 162:
Support Dawatnews Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawatnews Media Center from as little as $/€10 – it only takes a minute. If you can, please consider supporting us with a regular amount each month. Thank you
Islamic Bank AC # 00105100585219
Account for international payments: 00105100585219
WhatsApp:+93 747 162 162