السلام علیکم و رحمت الله و برکاته
زما پوښتنه د استنجا په اړه ده مطلب دا چې په کومو څیزونو د استنجا کول جایز دی او آیا بعد له رفع حاجت نه د اوبو نه د استنجا لپاره کار اخیستلی شو او کنه؟
بسم الله الرحمن الرحيم
د قضاء حاجت وروسته د نجاست پاکولو ته استنجاء وايي چې دوه صورتونه لري .
اول : په لوټو يا قاغذ تشاب سره استنجاء کول د امت په اتفاق جايز دي په شرط ددې چې د لوټو تعداد له دريو کم نه وي او د نجاست محل به ښه پاکوي چې دې صورت ته په شريعت کې استجمار وايي .
دوهم : په لوټو او قاغذ تشاب پاکول او بيا وروسته په ابو مينځل چې دا افضل صورت دی .
مګر د هر لمانځه د پاره استنجاء ته ضرورت نشته او همدارنګه د باد په وتلو سره هم استنجاء ته ضروت نشته بلکی استنجاء د قضای حاجت ورسته تر سره کيږي د لويو ميتيازو د محل پاکوالی او همدارنګه د تشو متيازو د څاڅکو او رطوبت ښه وچول او پاکول پکار دي .
د باد د پريکيدلو په صورت کې استنجاء پدی وجه نشته چې پدی صورت کې بدن په پلتۍ (نجاست ) نه دې لړل شوی د باد وتل صرف حکمی ( چې په سترګو نه ليدل کيږي ) نجاست دی چې پدی صورت کې صرف اودس کافی دی (فتاوی دارالعلوم ديوبندی ج ۱ ص ۸۶ )
او همدارنګه درالمختار ليکی
وقيل سببها الحدث الحکمية وهو وصف شرعی يحل فی الاعضاء يزيل الطهاره ( درالمختار علی هامش رد المختار ج ۱ ص ۱۳۶ )
والله سبحانه و تعالی اعلم