السلام علیکم دعوت نیوز کارکونکو ته:
محترم استاد که وخت لری پوښتنه لرم. څرنګه چی عموما د کلیوالو اقتصادی ژوند ضعیف دی یعنی نه د دومره مال لری چی د زکات د نصاب خاوند وی او نه دومره غریب دی چی زکات ورکړل شی. سوال دا دی چی ایا کولای شو چی د کلیوالو د خوښی او غم مراسمو لپاره د زکات په پیسو د کراکری سامان واخلو؟
مثلا: فرشونه، د اشپزی غټ دیګونه، غوری، او داسی نور سامان چی د واده یا خیرات کی استعمالیږی
علی مرجان حليمزوی
ځواب
بسم الله الرحمن الرحيم
د جمهورو فقهاؤ په نزد زکات پرته له هغو چې په قرآنکريم کې ذکر شوي دي ، نور په عامه خيره کارونو کې د زکات لګول او مصرف جايز نه دی او په دې سره زکات نه صحي کيږي لکه : د جومات جوړول ، پلونه جوړول ، ويالې او لارې جوړل او روغول ، د مړو تکفين ، د قرضونو خلاصول ، د مېلمو د پالنې پراختيا ، د جهاد وسائل ځکه چې په هغه کې تمليک او قبض نه راځي ، ديني کتابونه او نور چې په هغه کې تمليک نه راځي ، ځکه چې الله تعالی د زکات د مصارفو ځايونه داسې بیان کړي دي :
لقوله سبحانه وتعالی : إِنَّمَا الصَّدَقَاتُ لِلْفُقَرَاء وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللّهِ وَابْنِ السَّبِيلِ فَرِيضَةً مِّنَ اللّهِ وَاللّهُ عَلِيمٌ حَكِيمٌ ( التوبه ۶۰ ).
ژباړه : بيشکه چې ورکړې (زکاتونه ) د فقيرانو او مسکينانو او د زکات ټولولو ادارې د کار کوونکو ، او هغو لپاره چې زړونه خپلول يې اړين دي ، او (بنديانو) په آزادولو کې او پوروړو او د الله ( د دين د پياوړتيا ) په لار کې او د مسافرو د پالنې د پاره دي دا د الله لخوا فريضه ده او الله پوه (او) د حکمت څښتن دی .
جاء في فقه الاسلامي وادلته / دوکتور وهبة زحيلي رحمه الله :
اتفق جماهير فقهاء المذاهب (1) على أنه لا يجوز صرف الزكاة إلى غير من ذكر الله تعالى من بناء المساجد والجسور والقناطر والسقايات وكري الأنهار وإصلاح الطرقات، وتكفين الموتى، وقضاء الدين، والتوسعة على الأضياف، وبناء الأسوار وإعداد وسائل الجهاد، كصناعة السفن الحربية وشراء السلاح، ونحو ذلك من القرب التي لم يذكرها الله تعالى مما لا تمليك فيه؛ لأن الله سبحانه وتعالى قال: {إنما الصدقات للفقراء} [التوبة:60/9] وكلمة «إنما» للحصر والإثبات، تثبت المذكور وتنفي ماعداه، فلا يجوز صرف الزكاة إلى هذه الوجوه؛ لأنه لم يوجد التمليك أصلاً.
(1) الدر المختار ورد المحتار: 81/2، 83، 85، البدائع: 45/2، الشرح الكبير: 497/1، المهذب: 170/1، 173، المغني: 667/2، القوانين الفقهية: ص111، أحكام القرآن لابن العربي: 957/2.
د مېلمنو د پراختيا يا د کلې د مړي او ژوندې سامانو اخيستلو کې زکات مصرفول جايز نه دي او په دې سره زکات نه صحي کيږي .
و الله سبحانه وتعالی اعلم
……………………………………………………………………………………………………………………………………………………………
د دعوت نیوز رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت نیوز رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت نیوزبانکي پتهIslamic Bank AC # 00105100585219 :
د واټس آپ شمېره WhatsApp: +93 747 162 162:
Support Dawatnews Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawatnews Media Center from as little as $/€10 – it only takes a minute. If you can, please consider supporting us with a regular amount each month. Thank you
Islamic Bank AC # 00105100585219
Account for international payments: 00105100585219
WhatsApp:+93 747 162 162
…………………………………………………………………………………………………………………………………………………………