اسلام عليکم ورحمة الله وبرکاة ، په کور کی د ماشومانو د لوبو او ساعتیری لپاره د نینځکو(ګوډیګانو) ساتل د اسلام له نظره څنګه دی؟
مننه – احمد
ځواب
بسم الله الرحمن الرحيم
د ماشومانو د پاره په کور کې نانځکويو (عروسک) ساتل حرام دی ، ځکه دا د مجسمې حکم لري .
په حديث شريف راغلی : « يَا عَائِشَةُ، أَشَدُّ النَّاسِ عَذَابًا يَوْمَ الْقِيَامَةِ الَّذِينَ يُضَاهُئونَ بِخَلْقِ اللَّهِ » (بخاري او مسلم ) ، ای عايشې ! د قيامت په ورځ له خلکو څخه سخترين عذاب هغو کسانو ته ورکول کيږي چې دوی کوښښ کوي د الله تعالی د خلقت په مثل شی جوړ کړي ) .
کوم کور کې چې مجسمې وي هغه کور ته ملائکې نه ننوځې ، ځکه دا تشبح بالکفار عمل دی .
لقوله رسول الله صلی الله عليه وسلم لا تدخل الملائكة بيتا فيه تصاوير أو تماثيل (مسلم 2112 ) :-
په کوم کور کې چې تصاوير او مجسمې وي هغه کور ته پريښتې نه ننوځي .
د پلاستکي نانځکو اخيستل او خرڅول حرام دي ( فتاوي المحمودي حنفي 21/3/1412هـ.ق )
ماشومانو ته دې د مجسمې پر ځای پلاستيکي موټر ، بايسکل وغيره د لوبو د پاره واخيستل شي .
و الله اعلم