علم تفسير او علم اصول تفسیر د ټولو علومو اشرف علم دی ځکه دا د الله تعالی د کلام علم دی، د علم اصول تفسير په وسيله د کلام الله معنی ټاکل کيږي چې د معنی او تفسير په ټاکلو سره خلکو ته د اسلامي شريعت احکام بيانيږي.
تعريف :
علم اصول التفسير د دوو کلمو څخه جوړ شوی (اصول) او (تفسير) د تفسير تعريف مخکې بيان شو، اصول د اصل جمع ده او اصل په لغت کې بنياد، بنسټ او آساس ته وايي.
په اصطلاح کې علم اصول تفسير هغه علم دی چې د قرآنکريم د صحي تفسير له قواعدو او طريقو څخه بحث کوي تر څو مفسير او طالب علم وکولای شي د قرآنکريم د تفسير صحي فهم تر لاسه د مفسرينو د اختلاف اسباب کشف او د اختلافي مسائلو په اخذ او رد کې د سليم او غوره منهج څخه کار واخلي (بحوث في أصول التفسير، للدكتور فهد الرومي، فصول في أصول التفسير، لمساعد الطيار ص 11).
علم اصول تفسير کې دا زده کوو چې څنګه تفسير شوی او څنګه تفسير وکړو :
څنګه تفسير شوی دا چې د مقدمينو علماؤ تفسير ته مراجع وشي چې هغوی د قرآنکريم څنګه تفسير کړی دی او بل دا چې د هغوی په اقوالو او تحقيق باندې اعتماد وشي او که د هغوی په کوم قول په اسنادو کې څه نيګړتيا وي د هغې څخه پرهيز وشي.
د علم اصول التفسير موضوعات :
۱- د تفسير حکم او د هغه ډولونه.
۲- تفسير د قرآن په قرآن سره، تفسير د قرآن په سنتو سره او د صحابه او تابعين د تفسير او په تفسير کې د هغوی د اقوالو فهم او پوهه.
۳- د تفسير اصول او طريقه.
۴- په تفسير کې د سلفو طريقه.
۵- په تفسير کې د اختلاف اسباب.
۶- په تفسير کې د اختلاف ډولونه.
۷- په تفسير کې اجماع.
۸- د سلفو د اقوالو توجيه.
۹- د تفسير اساليب.
۱۰- د قرآن کليات او د تفسير عام قواعد.
۱۱- په تفسير کې د ترجيح قواعد.
د علم اصول تفسير مشهور کتابونه
فصول في اصول التفسير – مساعد بن سليمان الطيار
الفوز الکبير فی اصول تفسير للدهلوي
دراسات فی اصول تفسير القرآن – للدکتر محسن عبد الحميد
مقدمه في اصول التفسير – للشيخ ابن تيميه
…………………………………………………………………………………………………………………………………………………………………………………………………………………………………………
که تاسو غواړئ چې علمي او تحقیقاتي لیکنې او مقالې مو په دعوت نیوز کې خپرې شي نو لاندې لینک کیکاږئ او مونږ ته په انلاین بڼه خپله لیکنه را واستوئ؛
https://dawatnews.com/submit-article/
شرعی پوښتنه:
که کومه شرعی پوښتنه لری دمهربانی له مخی لاندی فورم ډک کړی او خپله پوښتنه ثبت کړي.