ځواب: عبدالغفار جُبیر
ناشر: دعوت نیوز.کام
انلاین بزنس د شریعت په اصولو کي جائز دی خو داچي اوس په هره اونۍ کي نوي ټایټلونه د انلاین بزنس راځي نو موږ یې پوره تحیقیق کوو بیا شرعي فتوا ورکوو، د (AgiGPT-QT4) په هکله موږ ته افغانانو ویډیوګانې رالېږلي دي او موږ هم خپله تحیقیق کړیدی چي دا څنګه انلاین کاروبار دی.
داسي نامعلوم انلاین بزنس د اسلام په رڼا کي ناجائز دي، مخکي کي موږ د فورسېج په هکله فتوا صادره کړېده چي ناجائز دی، په دغه (AgiGPT-QT4) انلاین کاروبار کي دغه شرعي مشکلات سته:
۱: په شریعت کي به کاروبار یا مضاربت وي یا شراکت خو په دغه (AgiGPT-QT4) كي نه مضاربت سته نه شراکت.
۲: په دې کار وبار کي لومړی تاسي ډالر جمع کوئ، چي په 40$ کي 1$ ګټه درکوي، همداسي کښته پورته، دغه معلومه ګټه سود (رباء) ده.
۳: ځیني دا دالائل وايي چي معلومه ګټه نه ده کله لږ وي کله زیاته ، خو بل مشکل دادی چي تاسي دغه ډالر ورکړیدي، نو دغه کمپنۍ ولي تاسي ته تل ګټه درکوي او ولي تاوان نسته؟ حال داچي په شرعي مضاربت او شراکت کي تاوان او ګټه دواړه سته، نو ځکه ناجائز دی.
۴: تاسي چي دغه ډالر ورکړیدي ایا تاسي خبر یاست چي دغه کمپنۍ ستا په پیسو څه کار کوي؟ نه ! هیڅکله نه. کفري کمپنۍ په مجموع کي د نورو سره سود کوي، چي دا حرام دی.
۵: که چیري دغه (AgiGPT-QT4) کمپنۍ ستاسي ټوله سرمایه یوسي، تاسي یې له چا څخه غواړئ؟ ایا فزیکي یو شخص شتون لري چي ستاسي تاوان درکړي؟! نه! هیڅکله نه. دغه کمپنۍ هم د نوور په شان یو څه وخت به سود(رباء) درکړي بیا به ټولي پیسې یوسي، نو ځکه دغه کاروبار شرعا ناجائز دی.
۶: کله چي ته یو چاته په شراکت یا مضاربت روپۍ ورکوې باید ته په دې خبر اوسې چي دغه زما شریک زما په پیسو حرام کاروبار کوي او که حلال، کې حلال کاوه جائز دی او کې حرام کاروبار کاوه دا ناجائز دی، داچي د کمپنۍ په اصلي کار وبار څوک نه دي خبر صرف تاته وايي چي ما ستا په پیسو دغه خیالي شی رانیوی او په دغه خیالي قیمت مي خرڅ کئ دادي ګټه ده، دغه کاروبار د شریعت په رڼا کي ناجائز دی.
یآیها الذین امنوا انما الخمر والمیسر والانصاب والازلام رجس من عمل الشیطان فاجتنبوه لعلکم تفلحوم. (سورت المائده: ۹۰)
لان القمار من القمر الذی یزداد تارة و ینقص اخری وسمی القمار قماراً لان کل واحد من المقامرین ممن یجوړ ان یذهب ماله الی صاحبه و یجوز ان یستفید مال صاحبه و هو حرام بالنص. (کتاب الحظر والاباحمة، فصل فی البیع ج: ۶ ص: ۴۰۳ ط: دارالفکر)
…………………………………………………………………………………………………………………………………………
که تاسو غواړئ چې علمي او تحقیقاتي لیکنې او مقالې مو په دعوت نیوز کې خپرې شي نو لاندې لینک کیکاږئ او مونږ ته په انلاین بڼه خپله لیکنه را واستوئ؛
https://dawatnews.com/submit-article/
شرعي پوښتنه:
که کومه شرعي پوښتنه لری دمهربانی له مخې لاندې فورم ډک کړی او خپله پوښتنه ثبت کړئ.
https://dawatnews.com/%d8%b4%d8%b1%d8%b9%db%8c-%d9%be%d9%88%da%9a%d8%aa%d9%86%d9%87/