السلام عليكم ورحمة الله وبركاته که څوک پودري يا شرابخور په قتل ورسوی یا برعکس ددی مسئلی پودری یاشرابخور سوک ووژنی قصاص کیژی که نه په درناوی .
هادي
ځواب
بسم الله الرحمن الرحيم
مسلمان چې کله منکر او ناروا عمل وويني پر ته باندې د خپل وس موافق په لاس يا ژبه او يا زړه سره د منکر منع کول واجب دي ، چې په لاس او ژبه سره منع کول خاص شرایط لري .
د أمر بالمعروف او نهی عن المنکر له قواعدو څخه يوه مهمه قاعده دا دی چې مصالح او مفاسد به په نظر کې نيول شوي وي .
ځکه چې د اسلامي شريعت قاعده ده چې : « درء المفاسد مقدمٌ على جلب المصالح » (مجلة الأحکام عدلية ).
اسلامي شريعت په جلب مصالح او رد مفاسد باندې بنا شوی دی نو ځکه د أمر بالمعروف او نهی عن المنکر لپاره يو مهمه قاعده ، مهم شرط دا دی چې په هغه کې به مصالح خوندې او د مفاسدو مخنوی به په نظر کې نيول شوی وي .
داسې منع کول چې د قتل سبب شي مطلق حرام دی ځکه قتل تر شرابخوری ستر جرم دی .
او په شريعت کې د پودري او شرابخور لپاره د قتل سزا نشته ، بلکي د شرابخور لپاره حد (په دُرو وهل) او د پوډري لپاره تعزير دی او د حد او تعزير ثبوت او عملي کول په اسلامي محکمې پورې اړه لري په انفرادي توګه يې څوک نشي عملي کولای .
د پوډري او شرابخور قتل او وژل حرام دي بلکي هغه ته نصيحت او أمر بالمعروف او نهی عن المنکر واجب دی ، د حد تطبيق په اسلامي محکمه پورې اړه لري .
مګر دا چې د شرابخور په قاتل باندې قصاص شته او که نه ؟ په دې باره کې شبه وجود لري چې څيړنه بيا هم په اسلامي محکمه پورې اړه لري .
و الله سبحانه وتعالی اعلم