ليکنه : ابو یحییٰ مظفرنگری
ژباړه او اضافه خالد منصور هډه وال الافغاني
په دې زمانه کې چې هر څه د ټیکنالوژۍ او ښودلو ښکار شوي
ځینې داسې فارغ التحصیلان هم راپیدا شوي چې د درسګاه درنې فضاء او د علم نبوي لوړ مقام له یاده ویستلی دی.
د دارالعلوم هغه پاکه فضا چې پکې د قال الله و قال الرسول اوازونه پورته کېدل، اوس داسې ښکاري چې ځینې خلک یې یوازې د ځان شهرت لپاره یادوي.
د درس له مجلس څخه راوتل او پر ځمکه د تواضع ګامونه ایښودل د طالب العلم د وقار نښه وه؛
خو نن داسې ښکاري چې ځینو خلکو دا ټولنه په یو تصويري ډګر بدله کړې. د نوټونو هار په غاړه اچول، په هر زاویه کې عکس اخیستل او په انسټاګرام او ټک ټاک کې د شهرت په لټه کې ګرځېدل هغه کارونه دي چې د علم لوړ مقام ته تاوان رسوي.
ایا د حدیث علم زده کول یوازې دې لپاره وو چې د نوټونو هار سره ریل جوړ کړئ او د خلکو لایکونو پسې سرګردانه شئ؟
دا د علم نه بېخبرۍ او د دیني ارزښتونو سپکاوی دی. داسې ښکاري چې ځینې د درسونو مجلسونو ته د علم د لاسته راوړلو لپاره نه، بلکې د ټک ټاک د مولانا ایډیشن جوړېدو لپاره ناست وو.
حقیقت دا دی چې علم عاجزي او تواضع ښيي، د امت خدمت ته چمتووالی ورکوي او د خپل نفس په تزکیه کې مرسته کوي.
خو نن ځینې فارغان داسې ښکاري چې د دې ټولو صفاتو پرځای یې یوازې شهرت، ځانښودنه او رنګیني خپل هدف ګرځولی دی.
موږ باید وپوښتو چې ولې د دارالعلوم درناوی نه کېږي؟
ولې د علم او نبوي میراث سپکاوی کېږي؟
د دې ټولنیزو رسنیو لنډمهاله شهرت به تاسو ته څه ګټه درکړي که مو د علم حقیقي روح له لاسه ورکړ؟
د دې ټولو منفي اړخونو ترڅنګ، هیله دا ده چې د علم اصلي روح ته بیا پام وشي. د سادګۍ، عاجزۍ او تواضع درسونه عملي شي.
علم هغه مشعل دی چې زړونه روښانه کوي، نه دا چې د لنډمهاله شهرت په روښانه څراغونو کې ورک شي.
الله تعالی دې موږ ټولو ته د علم نبوي حقیقي روح راپه برخه کړي او موږ دې له بې ځایه ښودنې او نفسپرستۍ وساتي.
اللهم وفقنا لما تحب و ترضی.
………………………………………………………………………………………………………………………………………………………..
د دعوت نیوز رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت نیوز رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت نیوزبانکي پتهIslamic Bank AC # 00105100585219 :
د واټس آپ شمېره WhatsApp: +93 747 162 162:
Support Dawatnews Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawatnews Media Center from as little as $/€10 – it only takes a minute. If you can, please consider supporting us with a regular amount each month. Thank you
Islamic Bank AC # 00105100585219
Account for international payments: 00105100585219
WhatsApp:+93 747 162 162
…………………………………………………………………………………………………………………………………………………………
یادونه: په دعوت نیوز کې نشر شوي لیکنې او تبصرې یوازي د لیکوالو نظر څرګندوي، د دعوت نیوز توافق ورسره شرط نه دی.
Commentaries and articles published here, represent the views of their authors solely. They do not reflect the editorial policy of the website