د حضرت عمر فاروق رضی الله عنه په دور خلافت کې همغه د ابوبکر صديق رضی الله د دور جمع شوی قرآن ؤ .
د حضرت عمر فاروق او حضرت عثمان رضی الله عنهم په دور خلافت کې ډير فتوحات وشول صحابه کرام د نړی په ګوټ ګوت کې تیت شول ، چې د ځينو صحابه کرامو سره څه ليکل شوي مصاحف او قراءات ؤ او څه به ور سره نه وو او څه به د نورو سره وو چې په دې وجه په قراءات کې څه اختلاف را مينځته شو . چې کله ددې مسئلې خبر دار الخلافه ته ورسيد نو حضرت ذوی نورين رضی الله عنه زيد بن ثابت ، عبد الله بن زبير ، سعيد بن العاس ، عبدالرحمن بن حارث ته د ليکلو او سورتونو په بټه د ترتيب کولو حکم وکړ .
او وروسته د قرآن ليکل شوی مصحف د اسلامي امت ټولو ښارونو ته و ليږل تر څو ټول مسلمانانو په يو مصحف او قرائت جمع شي (المدخل لدراسة القرآن الكريم – الدكتور محمد محمد أبو شهبة) .
د حضرت عثمان رضی الله عنه په عهد کې ليکل شوی مصحف همغه د ابوبکر صديق رضی الله عنه د عهد ليکل شوی مصحف څخه وليکل شو ، چې د ابوبکر صديق او عثمان رضی الله عنهم دواړو دورو کې د ليکلو سرپرستي د زيد بن ثابت رضی الله عنه پر غاړه وه .
عثمان رضی الله عنه ټولې پخوانی نسخې او مصاحف جمع کړل او د هغه پر ځای يې يوازې يو مصحف ترتيب او هغه يې د اسلامي امت ټولو برخو ته وليږلو .
۳- د قرآن کريم صوتي ثبت :
د لومړي ځل لپاره تقريباً په ۱۳۷۹ هجري کال کې په مصر کې د دوکتور لبيب سعيد لخوا نظر ورکړ شو چې بايد قرآن په صوتي بڼه ثبت کړ شي بلاخره د ازهر په تفاهم سره قرآنکريم د شيخ محمد حصري رحمه الله په غږ کې د حفص په روايت سره مکمل په صوتي آلاتو کې ثبت شو .
وروسته په کال د ۱۴۰۵ هجري کال د ملک فهد د ټولنې لخوا د عصري وسايلو په وسيله په صوتي بڼه ثبت شو .
…………………………………………………………………………………………………………………………………………
که تاسو غواړئ چې علمي او تحقیقاتي لیکنې او مقالې مو په دعوت نیوز کې خپرې شي نو لاندې لینک کیکاږئ او مونږ ته په انلاین بڼه خپله لیکنه را واستوئ؛
https://dawatnews.com/submit-article/
شرعی پوښتنه:
که کومه شرعی پوښتنه لری دمهربانی له مخی لاندی فورم ډک کړی او خپله پوښتنه ثبت کړي.