تايرويډ غده

د تايرويډ غده د انسان د غاړي په مخکېنۍ برخه کې موقيعت لري او زموږ او ستاسو په بدن کې د انرژي جوړيدلو سرعت کنترولوي. لدې امله د دې غدې کم او يا له اندازي زيات فعاليت په انسانانو کې ډول ډول ستونزي منځ ته راوړي. له نېکه مرغه د دې ناروغيو تشخيص او علاج په ډير اسانۍ سره کيږي. که تاسو د تايرويډ د جګ يا ټېټ فعاليت ناروغيو نښې نښانې لرئ کورته نېږدې ډاکټر ته ورشئ چې معاينه مو کړي. د دې ناروغيو تشخيص د وينې د عادي معاينې پواسطه کيږي چې د افغانستان په شمول د نړۍ په هر کونج کې کېدی شي.

⬅️ د تايرويډ غدې له حده زيات فعاليت:
– تېز يا غير نور مال د زړه ټکان
– بې خوبي
– د وزن له لاسه ورکول
– ژر وارخطا کېدل او غوصه کېدل
– د ګرمۍ احساس
– د لاس لړزه او يا رپېدل

⬅️ د تايرويډ غدې له حده کم فعاليت:
– د ستړيا احساس
– د وزن زياتېدل
– قبض
– ژور خپګان
– جنسي کمزورتيا
– د وېښتانو نري کېدل او تويدل
– د فکري او جسمي فعاليت کمېدل

که تاسو دغه پورته اعراض او يا مشکلات لرئ دا پدې معنا نه ده چې تاسو به حتماً د تايوريډ ناروغي لرئ بلکه ستاسو معاينه بايد وشي.