مفتی صاحب محترم الله ج دی وکړی چی روغ او جوړ به یاستی.
یوه پوښتنه لرم زکات اړوند.
کولای شی چی یوکس ته زکات ورکړی ترڅو پری ځان ته واده وکړی؟
ایا یو کس ته د واده لپاره زکات ورکول جائز دي؟
الجواب وبالله التوفيق
يا الله توفيق رانصيب کړئ د صحيح جواب!
هو، که یو کس فقیر وي، یعني دومره مال ونه لري چې نصاب ته ورسیږي او د خپلو ضروري اړتیاوو پوره کولو توان ونه لري، نو ورته د زکات ورکول جایز دي، که څه هم هغه دا مال د واده لپاره کاروي.
د زکات مستحقینو له جملې څخه یو “فقیر” او “مسکین” دی، لکه چې الله تعالی فرمایي:
إِنَّمَا الصَّدَقَاتُ لِلْفُقَرَاءِ وَالْمَسَاكِينِ… (التوبة)
یعني زکات یوازې د فقیرانو، مسکینانو او نورو مستحقینو لپاره دی.
که یو کس واقعاً فقیر وي او د واده توان ونه لري، نو د زکات ورکول ورته جایز دي، ځکه چې واده هم د ضرورتونو له جملې څخه دی، خو که یو کس دومره مال لري چې د واده لګښتونه پرې پوره کولی شي، نو هغه مستحق نه دی.
زکات باید مالک ته ورکړل شي، یعني هغه کس ته ورکړل شي چې دی یې مستحق وي، او هغه یې خپله مصرف کړي.
که زکات ورکوونکی شرط پورې کړي چې دا پیسې باید حتماً د واده لپاره وکارول شي، نو دا کار غوره نه دی، ځکه چې زکات د فقیر د ملکیت حق ګرځي، او هغه یې د خپلې اړتیا مطابق مصرفولی شي.
که د واده لپاره پیسې ورکړل شي، نو باید د زکات نیت وشي، ترڅو عبادت مکمل شي.
که یو کس مستحق وي (فقیر وي)، نو ورته د واده لپاره زکات ورکول جائز دي، خو که هغه نصاب ته رسېدلی وي، نو زکات نشي اخیستی.
فإن كان صوابا فمن الله وإن كان خطأ فمني ومن الشيطان والله ورسوله بريئان منه.
که ليکنه درسته او مفيده وي دا د الله سبحانه وتعالی په توفيق او مدد سره او که غلطيانې په کښي موجود وي دا زما کمزورئ ده او ما پري خبر کړي مننه .
………………………..
الجواب الصحيح : خالد منصور هډه وال
—————————
که شرعي سوالونه لري ځواب لپاره برا وټسپ نمبر باندې مونږه سره شريک کړي
نوټ..
او ضرور ئي شير کړئ مننه .
مننه له هغه چا نه چې ليکنه ئي وه لوستله او د ګوتو نښه يې پرېښوده.!
