زما وروڼو ! امام مالك رحمه الله اولس كاله مدينه منوره كې درس كړى وه ، يو ځل پيغمبر علیه سلام خوب كې وليده .
امام مالك رحمه الله د پيغمبر علیه سلام نه خوب كې پوښتنه وكړه چې مرګ كله راځي ، پيغمبر علیه سلام دلاس پنځو ګوتو باندې اشاره وكړه ، امام مالك رحمه الله پوه نشو چې دېنه څه مراد دى چې پنځه ورځې مراد دي ، پنځه مياشتې مراد دي ، پنځه كاله مراد دي ، پوه نشو .
ابن سيرين رحمه الله مشهور تابعى ده هغه خبر شو هغه وويل : د پنځو ګوتو اشارې نه د سورة لقمان هغه آياتونه مراد دي كوم كې چې الله رب العزت فرمايي چې د پنځو شيانو علم ما هيچاته نه دى وركړى ] إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الأَرْحَامِ وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ (۱)[ . سورة لقمان ، پاره ۲۱ .
ژباړه : د پنځو شيانو علم الله رب العزت سره ده .
قيامت به كله راځي
باران به كله راځي
د مور خيټې نه ځوى پيداكېږي او كه لور
انسان به نورو ورځو كې څه كوي
او انسان ته په كوم ځاى كې مرګ راځي .
ددې پنځو شيانو علم يواځې او يواځې د رب العزت سره ده .