آيا په پتلون کې لمونځ صحي دی؟

آيا په پتلون کې لمونځ صحي دی؟
که يو څوک داسې جامې واغوندي چې عورت يې نه پټيږي، آيا د ده لمونځ صحيح دی؟
ولي الله لندن نه..

الجواب وبالله التوفيق
يا الله توفيق رانصيب کړئ د صحيح جواب!

…………………………………………………………………….

د عورت پټولو حکم د قرآن او حدیث په رڼا کې الله تعالی فرمايي:

> يَا بَنِي آدَمَ خُذُوا زِينَتَكُمْ عِندَ كُلِّ مَسْجِدٍ (سورة الأعراف: 31) ترجمه: اې د آدم زامنو! خپل زينت (جامې) د هر لمونځ پر مهال واخلئ.

د دې آیت څخه دا معلومېږي چې د لمانځه پر مهال داسې جامې اغوستل پکار دي چې بدن پټ کړي او د عورت د ښکاره کېدو سبب نه شي.

د حديث نبوي څخه دليل: رسول الله ﷺ فرمايي:

> لَا يَقْبَلُ اللَّهُ صَلَاةَ حَائِضٍ إِلَّا بِخِمَارٍ (سنن أبي داود، حديث: 641) ترجمه: الله تعالی د بالغه ښځې لمونځ نه قبلوي مګر دا چې خمار (پوښ) يې واغوندي.

د علماوو اقوال: د فقهاوو له نظره، که د لمانځه پر مهال د سړي يا ښځې عورت ښکاره شي، نو لمونځ يې باطل کېږي، ځکه چې دا د لمانځه له شرطونو څخه دی.

په پتلون کې د لمانځه مسئله:

1. که پتلون دومره تنګ وي چې د بدن اعضا يې څرګندې کړي، نو دا مکروه تحريمي دی، او که دومره نازک وي چې پوستکی ښکاره کړي، نو لمونځ نه صحي کېږي.

2. که پتلون دومره پراخ وي چې عورت يې پټ کړي، نو لمونځ صحي دی، البته که دا د شرعي لباس خلاف وي، نو مکروه دی.

3. هغه څوک چې د پتلون اغوستونکي تر شا ولاړ وي، د ده لمونځ د هغه له لباس سره تعلق نه لري، خو که د ده عورت ښکاره شوی وي، نو لمونځ يې باطل کيږئ.

4. په پتلون کې لمونځ صحي دی که عورت يې پټ کړي، خو که ډېر تنګ وي، نو دا مکروه دی.

5. که د چا عورت ښکاره شوی وي، نو لمونځ يې نه صحي کېږي.

6. هغه څوک چې د پتلون اغوستونکي تر شا ولاړ وي، د هغه لمونځ د ده له لباس سره نه خرابېږي، خو که د پتلون اغوستونکي لمونځ د لباس د نامناسبتوب له وجې خراب شوی وي، نو دا د ده خپله ذمه واري ده.

يوه کيسه به درته وه کړم…

يو تن له مولانا بجلي ګهر څخه پوښتنه وکړه: “په پتلون کې لمونځ کېږي؟”

مولانا موسکا وکړه او ويې ويل: “دهغه لمونځ روستو خبره ده، څوک چې تر شا ولاړ دي، د هغوي لمونځ کيسه خرابه ده!”

دا خبره ساده وه، خو ژور مفهوم يې درلود. د لمانځه د صحت لپاره د بدن پټول يو اساسي شرط دی.

فقها وايي، که لباس دومره تنګ وي چې د بدن شکل څرګند کړي، نو دا مکروه تحريمي ګڼل کېږي، او که دومره نازک وي چې پوستکی ښکاره شي، نو لمونځ نه صحي کېږي. که يو څوک داسې جامې واغوندي چې د لمانځه شرعي شرطونه نه پوره کوي، نو د هغه لمونځ باطل دی. که د پتلون اغوستونکي د عورت ښکاره کېدو له امله لمونځ فاسد شي،

نو دا يوازې د ده مسئله نه ده، بلکې هغه څوک چې د ده تر شا ولاړ وي، د تمرکز د خرابېدو له امله يې لمونځ هم متأثر کېدای شي.

د دې خبرې مفهوم دا دی چې اسلامي لباس يوازې شخصي انتخاب نه، بلکې د ټولنې لپاره د ادب او شرم يو معیار هم دی.

هر مسلمان ته پکار ده چې د خپل لباس انتخاب د شريعت مطابق وکړي، څو نه يوازې خپل عبادت ته درناوی وکړي، بلکې د نورو لمونځ کوونکو ذهنونه هم مغشوش نه کړي.

فإن كان صوابا فمن الله وإن كان خطأ فمني ومن الشيطان والله ورسوله بريئان منه.

که ليکنه درسته او مفيده وي دا د الله سبحانه وتعالی په توفيق او مدد سره او که غلطيانې په کښي موجود وي دا زما کمزورئ ده او ما پري خبر کړي مننه .

………………………..
الجواب الصحيح : خالد منصور هډه وال
—————————