١- مالګه (په ځانګړي ډول ډېره مالګه)
زیاته مالګه په بدن کې اوبه ساتي، وینه ډېروي، او په رګونو فشار لوړوي. دا کار د لوړ فشار، زړه غټوالي، او د زړه حملې خطر زیاتوي.
هڅه وکړئ چې په ورځ کې له ۵ ګرامه څخه زیات مالګه ونه کاروئ، او له مالګینو خوړو لکه اچار، چپس، او فاسټ فوډ څخه ځان وساتئ.
٢- ډېر غوړ او چرب خواړه
چرب او غوړ خواړه (لکه سره غوښه، ژر پخه شوي خواړه، فاسټ فوډ) په وینه کې د بد کولېسټرول (LDL) اندازه زیاتوي. دا کولېسټرول د رګونو دننه رسوب کوي، رګونه تنګوي او د زړه حملې او سکتې خطر لوړوي.
ولې مالګه او غوړ خطرناک دي؟
زیاته مالګه او غوړ د وینې فشار لوړوي،رګونه سخت او تنګوي،د زړه عضله کمزورې کوي او د زړه حملې، سکتې او د زړه ناکامۍ خطر زیاتوي
د زړه لپاره غوره خواړه :تازه سبزیجات او مېوې
کب (په ځانګړي ډول سمندري کب)،زیتون تېل او نور نباتي تېل کم چرب شیدې او لبنیات،توره ډوډۍ او بشپړ غلې دانې
نوټ:د زړه ناروغي یوازې په درملو نه کنټرولېږي، اصلي درملنه ژوند طرز بدلول دي، که مالګه، غوړ، سګرټ، او فاسټ فوډ پرېنږدې، نو قوي درمل هم بشپړ اغېز نه کوي.