د اخبار جهان اسلام د راپور او المختصر په حواله : د دبۍ د اسلامې امورو او خيريه کارونو د ادارې د راپور له مخې د تیر اکتبر په مياشت 279 کسانو خپل مسلمانيدل اعلان کړل دا کسان په مختلفو ملتونو پورې اړه لري چې ددې کسانو څخه ۱۷۷ ښځې دي .
ددې ادارې مشر دکتور حمد بن شيخ محمد الشيبانی وويل : مونږ هميشه د خپلو امورو انسجام ، دعوت او اسلامې تبليغات ددې مبارک آيت شريف د پيروۍ په رڼا کې تر سره کوو ،{ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ }(سورة النحل/ آية 125).
د اماراتو د رسمي رسنيو د راپور له مخې دوکتور شيباني وايي : زمونږ اداره نويو مسلمان شويو ته د زده کړې ورکولو ډير اهميت ورکوي .د هر نوی مسلمان شوی د پاره د زده کړې دوره په عربي ژبه ترتيبوو تر څو د خپل دين له تعليماتو سره اشنا شي او همدارنګه څو کتابونه په مختلفو ژبو او د هر کس سره مناسب اهدا کوو .
او هغوی ته د لمانځه زده کړه د رسول الله صلی الله عليه وسلم د صحيح سنتو له مخې ور زده کيږي .
د نوموړې مؤسسې مدير زياتوي : ټول هغه کسان چې دغه مؤسسې ته يې خپل مسلمانيدل اعلان کړي دی وروسته له هغه چې دوی د اسلام په باره کې مطالعات او څيړنې کړی دی او ښه یې حقيقت درک کړی دی وروسته يې د خپل زړه په خوښ دغه مؤ سسې ته مراجعه کړی ده او خپل مسلمانيدل يې رسماً اعلان کړی دي .
دغه کسان د اماراتو د خلکو له ښه سلوک څخه تعجب کوي او ددې مناطقو د خلکو ښه رفتار هم د دوی له اسلام سره د علاقي یو عامل بلل کيږی .