❓ پوښتنه
السلام علیکم و رحمة الله و برکاته
زه په اول قدم کې د دعوت نیوز.کام ټولو کارکوونکو او چلوونکو ته سلامونه او نیکې هیلې وړاندې کوم.
❓ پوښتنه
مولانا صاحب! کله چې د یو سړي او ښځې نکاح لا نه وي شوې، خو د ښځې «دسمال وړل» (کوژده) شوې وي، آیا په دې حالت کې هلک او نجلۍ کولای شي په موبایل کې خبرې وکړي؟
📖 لومړی: د قرآن کریم دلیل
الله تعالی فرمایي:
وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا
(سورة الإسراء: 32)
ژباړه: زنا ته مه نږدې کېږئ، بېشکه دا ډېره بده او ناوړه لاره ده.
علما وایي: الله تعالی یوازې له زنا نه، بلکې د هغې له مقدماتو او لارو هم منع کړې ده.
بل ځای فرمایي:
قُل لِّلْمُؤْمِنِينَ يَغُضُّوا مِنْ أَبْصَارِهِمْ
(سورة النور: 30)
ژباړه: مؤمنانو ته ووایه خپلې سترګې ښکته وساتي.
دا د نامحرمو ترمنځ د اړیکو د محدودولو اصل دی.
دوهم: د سنت نبوي ﷺ دلیل
رسول الله ﷺ فرمایلي:
لَا يَخْلُوَنَّ رَجُلٌ بِامْرَأَةٍ إِلَّا وَمَعَهَا ذُو مَحْرَمٍ
(صحیح البخاري، صحیح مسلم)
ژباړه: هېڅ سړی دې له نامحرمې ښځې سره یوازې نه کېږي مګر دا چې محرم ورسره وي.
علما وایي: نن سبا موبایل او انټرنېټي خبرې هم د خلوت (یوازیتوب) یوه بڼه کېدای شي.
درېیم: د حنفي فقهې حکم
کوژده نکاح نه ده
په حنفي فقه کې:
- کوژده (دسمال وړل) یوازې وعده ده
- نکاح نه بلل کېږي
- ښځه لا هم نامحرمه ده
الهدایة او رد المحتار:
تر نکاح مخکې ښځه د اجنبیې (نامحرمه) حکم لري.
د نامحرمو ترمنځ خبرې
فقهاء وایي:
1.د اړتیا په اندازه خبرې — که فتنې نه وي — جائز دي
2. بې ضرورته، عاشقانه او دوامدارې خبرې — ناجائز او د فتنې سبب دي
فتاویٰ عالمګیري:
د نامحرمو ترمنځ هغه تعامل چې شهوت او فتنې ته لار هواروي، منع دی.
شرعي حکم
– تر نکاح مخکې، که څه هم کوژده شوې وي:
- هلک او نجلۍ یو بل ته نامحرم دي
- د میړه او ښځې په حکم کې نه دي
حکم:
- که د ضرورت خبره وي (د واده د چارو په اړه، د کور د مشرانو په اجازه) → جواز لري
2. بې ضرورته، اوږدې، شخصي یا عشقي خبرې → جائز نه دي - 3. پټې خبرې، احساساتي اړیکه یا د میړه-مېرمن په څېر چلند → حرام او د فتنې سبب
-
مهمه مشوره / دعوت نیوز.کام دارالافتاء
تر ټولو خوندي او اسلامي لاره دا ده چې:
- خبرې د کورنۍ له لارې وشي
- ژر تر ژره نکاح وشي
- د ګناه له خطره ځان وساتل شي
رسول الله ﷺ فرمایلي:
لم يُرَ للمتحابين مثل النكاح
(سنن ابن ماجه)
ژباړه: د یو بل خوښوونکو لپاره د نکاح په څېر غوره حل نشته.
یادونه: که د کوژدې په وخت کې نکاح شوې وي بیا مشکل نلري.
والسلام علیکم و رحمة الله و برکاته
دعوت نیوز.کام دارالإفتاء
کابل-افغانستان